ال (Longfin Oscar ) رحله من ال ٤٥٠ ل ال ٢٥ .. الدروس المستفاده ..
طبقا لقوانين التسويق والعرض والطلب .. فإن السلعه قليله الوجود (النادره) مع وجود طلب كبير عليها ... يرتفع سعرها أليا ... والسلعه المنتشره مع قله الطلب عليها ... ينهار سعرها سريعا
طيب وأيه الي بيخلي الطلب كبير كده علي السلعه او السمكه بقي عشان يبقي كلامنا اكثر دقه ... هل احنا في سباق حقيقي علي إقتناء الافضل دائما ولا الهوايه عباره عن حب السمكه بغض النظر عن ندرتها وقيمتها السوقيه
لما تفتح ال Youtube وتتفرج علي فيديوهات لهواه محترفين وأحواضهم .. عقلك الباطن بيسجل كل سمكه بتشوفها وبيسجل مستواها و ٨٠% بيحطها Idol للسمكه الي نفسك تجيبها ومستواها ويبتدي طموحك وزوقك يرتقي ... وتبتدي تدور علي الانواع الي اول مره تشوفها في الفيديو وتسأل عنها ... تبتدي متقبلش بالمستويات القليله وتبقي إنتقائي في اختياراتك .. وده بالتوازي مع مستوي خبرتك طبعا ... وكل ما الوقت بيعدي عليك هتلاقي نفسك مبتقبلش الا بال Top ... وفي ناس مش كده والاتنين مش غلط لانه اسلوب تفكير واختلافه مش وحش ولكن الاغلبيه كده ..
المهم انك لما بتفكر كده بتبدي تسأل التاجر الي انت بتسأله وبتثق فيه (ايه رايك في السمكه الفلانيه .. طيب هتجيبها امتي وتضغط عليه انه يوفرها ) وتدردش مع اصدقائك الهواه وهوب تبقي مطلوبه وهوب تبقي Trend او موضه
لو انت لاحظت ان كل فتره السوق بيبقي في طلب علي سمكه مره واحده وبطريقه غير مفهومه (وخصوصا لما حد مشهور يحط بوست انه بيفكر يجيبها او عايزها)
طيب ايه دور التاجر بقي ؟؟
التاجر بيشوف في دي فرصه تسويقيه ممتازه ... سمكه يقدر يجيبها وهيقدر حرفيا يطلب فيها السعر الي هو عايزه وخصوصا اذا كان يقدر يجيبها قبل اي حد .. طبعا دي نقطه تحسبله وحقه انه لما يجيب حاجه نادره انه يطلب فيها زياده شويه ... ومن هنا صديقي الهاوي انت سلمت نفسك حرفيا للعطش تجاه سمكه مع التاجر الي هيستغل العطش ده ... ولكن كل ده مش عيب لو كان التعامل بالمعقول تجاريا حتي .. طيب فين المشكله !!
المشكله في ثقافه السوق المصري (مابين الاستعراض و التباهي و الحرق)
التباهي بالجديد ... انا عندي الجديد فقط بالاضافه الي كلمه (الوحيده في مصر) بتديك فكره انك داخل تشتري جوهره .. حاجه مفيش منها ٢ مثلا وبتبقي مؤهل نفسيا ساعتها جدا انك تدفع (لو هتقدر) بدون ماتاخد فكره حتي عن سعرها عالميا !
والتباهي بالقدره علي انه يقدر يجيب لبن العصفور ... وانت هتشتري علي اساس انه لبن العصفور فعلا
العيب مش فيك كشخص ... الفكره كلها في العقل الباطن .. الانسان انتقائي بطبعه .. بيدور علي الافضل والاحسن ليه في حياته .. حتي في نوع الاكل .. لازم يسأل (هو انهي مطعم احسن ؟؟)
بناء علي كل الكلام ده اه ال Longfin Oscar نزلت ب ٤٥٠ جنيه لأول مره في مصر .. وطبقا للناس الي اشتريت انه كان أعلي مستوي نزل لحد دلوقتي .. طيب حلو قوي
نخش بقي في سياسه الحرق (هو مش حرق أكتر من انه كشف التكلفه الحقيقيه للسمكه)
خلينا متفقين ان مفيش حد بيبيع بخساره ابدا .. محدش بيفتح معرض عشان يخسر .. الا اذا اضغط عليه وحب ينتقم بقي .. بس الخساره هتتحمل علي سمك تاني (فامش هتبقي خساره فعليا)
ويتم حرق سعر السمكه ... من ٤٥٠ ل ٤٢٥ ل ٣٥٠ ل ٢٥٠ ل ٢٠٠ ل ١٤٠ ل ١٢٥ ل ١٠٠ ل ٥٠ ل ٢٥ وده التدرج الي اتحرقت بيه السمكه حرفيا .. والكلام ده يمكن في اقل من ٣ شهور !
الي بيشتري كذا نوع .. منهم الهاوي ومنهم الي بيفرخ وبيسمن ومنهم الي عايز يتاجر بيها .. واخر ٣ انواع دول لو اشتروها اول مانزلت .. فاكن متأكد انهم اتخرب بيتهم في ال Order ده !
بالاضافه إلي إن السمكه كسمكه نادره او مميزه أتحرقت قيمتها .. من الاخر بقيت سمكه ارخص من سعر الاوسكار العاديه .. وده يعتبر اكبر انهيار لسعر سمكه احضره من ساعه مابقيت هاوي من يجي ٢٠ سنه !
في حلقه إضافيه أو عامل إضافي مقولناهوش .. وهو التفريخ المصري .. بيتعامل انه لا يرتقي لمستوي الرساله بدون سبب مقنع .. وأعتقد أتهامه بالاتهام ده بسبب ان وجوده هو اه مشكله في دماغ المستوردين والتجار ... وخصوصا ان المفرخ ممكن حرفيا يحرق سعر السمكه في اي وقت ويبقي ضغط علي التاجر الي بيستورد ويخيليه ينزل بسعره غصب عنه !
لكن هل فعلا التفريخ المصري يرتقي لمستوي المستورد فعلا .. الإجابه كانت من ٥ سنين قطعيا لا .. لكن في ٢٠١٧ .. انا شوفت انواع اقوي ومستويات اعلي ... ال Reviews الي بعملها دخلتني مزارع وشوفت بعيني ... وشغلتي دي المصداقيه فيها مهمه جدا ... عشان كده الفيديو او ال Live مهمين في التوثيق جدا !
احد عوامل الحرق المتسارع المنافسه الشديده والغيره الموجوده بين التجار الي وصلت لمواجهات مباشره حرفيا .. ال Facebook سخن الموضوع جدا يبتدي حب استعراض القوه .. ومحاوله اظهار الاخر انه (حرامي ونصاب) بأي شكل .. لكن كل ده يوصلها ل ٢٥ جنيه انتاج مصري و ٥٠ جنيه مستورده من ٤٥٠ جنيه وبدون تفكير مرتين !
الاجابه اه ممكن يحصل في حاله واحده بس .. إذا كان تكلفه السمكه الحقيقيه من الاول من ٣٠ ل ٤٠ جنيه مستورده 🤗
نصائح هنصحهالكوا ياريت تاخدوا بالكوا منها :
- نفسك في سمكه ... اجمع عنها كل المعلومات حتي سعرها التقريبي
- متشتريش سمكه لسه نازله وغاليه قوي واصبر شويه
- اتحرك في الهوايه اكنك بتلعب شطرنج .. الحركه بحساب
- خلي عندك كذا مصدر معلومات عن الاسعار
- اتعلم من اخطائك كويس جدا (لا تلدغ من الجحر مرتين)
- اسمع من الاكثر منك خبره وسنا وافهم كلامهم كويس خصوصا الي فاهمين السوق
واخيرا باب النقاش مفتوح
طبقا لقوانين التسويق والعرض والطلب .. فإن السلعه قليله الوجود (النادره) مع وجود طلب كبير عليها ... يرتفع سعرها أليا ... والسلعه المنتشره مع قله الطلب عليها ... ينهار سعرها سريعا
طيب وأيه الي بيخلي الطلب كبير كده علي السلعه او السمكه بقي عشان يبقي كلامنا اكثر دقه ... هل احنا في سباق حقيقي علي إقتناء الافضل دائما ولا الهوايه عباره عن حب السمكه بغض النظر عن ندرتها وقيمتها السوقيه
لما تفتح ال Youtube وتتفرج علي فيديوهات لهواه محترفين وأحواضهم .. عقلك الباطن بيسجل كل سمكه بتشوفها وبيسجل مستواها و ٨٠% بيحطها Idol للسمكه الي نفسك تجيبها ومستواها ويبتدي طموحك وزوقك يرتقي ... وتبتدي تدور علي الانواع الي اول مره تشوفها في الفيديو وتسأل عنها ... تبتدي متقبلش بالمستويات القليله وتبقي إنتقائي في اختياراتك .. وده بالتوازي مع مستوي خبرتك طبعا ... وكل ما الوقت بيعدي عليك هتلاقي نفسك مبتقبلش الا بال Top ... وفي ناس مش كده والاتنين مش غلط لانه اسلوب تفكير واختلافه مش وحش ولكن الاغلبيه كده ..
المهم انك لما بتفكر كده بتبدي تسأل التاجر الي انت بتسأله وبتثق فيه (ايه رايك في السمكه الفلانيه .. طيب هتجيبها امتي وتضغط عليه انه يوفرها ) وتدردش مع اصدقائك الهواه وهوب تبقي مطلوبه وهوب تبقي Trend او موضه
لو انت لاحظت ان كل فتره السوق بيبقي في طلب علي سمكه مره واحده وبطريقه غير مفهومه (وخصوصا لما حد مشهور يحط بوست انه بيفكر يجيبها او عايزها)
طيب ايه دور التاجر بقي ؟؟
التاجر بيشوف في دي فرصه تسويقيه ممتازه ... سمكه يقدر يجيبها وهيقدر حرفيا يطلب فيها السعر الي هو عايزه وخصوصا اذا كان يقدر يجيبها قبل اي حد .. طبعا دي نقطه تحسبله وحقه انه لما يجيب حاجه نادره انه يطلب فيها زياده شويه ... ومن هنا صديقي الهاوي انت سلمت نفسك حرفيا للعطش تجاه سمكه مع التاجر الي هيستغل العطش ده ... ولكن كل ده مش عيب لو كان التعامل بالمعقول تجاريا حتي .. طيب فين المشكله !!
المشكله في ثقافه السوق المصري (مابين الاستعراض و التباهي و الحرق)
التباهي بالجديد ... انا عندي الجديد فقط بالاضافه الي كلمه (الوحيده في مصر) بتديك فكره انك داخل تشتري جوهره .. حاجه مفيش منها ٢ مثلا وبتبقي مؤهل نفسيا ساعتها جدا انك تدفع (لو هتقدر) بدون ماتاخد فكره حتي عن سعرها عالميا !
والتباهي بالقدره علي انه يقدر يجيب لبن العصفور ... وانت هتشتري علي اساس انه لبن العصفور فعلا
العيب مش فيك كشخص ... الفكره كلها في العقل الباطن .. الانسان انتقائي بطبعه .. بيدور علي الافضل والاحسن ليه في حياته .. حتي في نوع الاكل .. لازم يسأل (هو انهي مطعم احسن ؟؟)
بناء علي كل الكلام ده اه ال Longfin Oscar نزلت ب ٤٥٠ جنيه لأول مره في مصر .. وطبقا للناس الي اشتريت انه كان أعلي مستوي نزل لحد دلوقتي .. طيب حلو قوي
نخش بقي في سياسه الحرق (هو مش حرق أكتر من انه كشف التكلفه الحقيقيه للسمكه)
خلينا متفقين ان مفيش حد بيبيع بخساره ابدا .. محدش بيفتح معرض عشان يخسر .. الا اذا اضغط عليه وحب ينتقم بقي .. بس الخساره هتتحمل علي سمك تاني (فامش هتبقي خساره فعليا)
ويتم حرق سعر السمكه ... من ٤٥٠ ل ٤٢٥ ل ٣٥٠ ل ٢٥٠ ل ٢٠٠ ل ١٤٠ ل ١٢٥ ل ١٠٠ ل ٥٠ ل ٢٥ وده التدرج الي اتحرقت بيه السمكه حرفيا .. والكلام ده يمكن في اقل من ٣ شهور !
الي بيشتري كذا نوع .. منهم الهاوي ومنهم الي بيفرخ وبيسمن ومنهم الي عايز يتاجر بيها .. واخر ٣ انواع دول لو اشتروها اول مانزلت .. فاكن متأكد انهم اتخرب بيتهم في ال Order ده !
بالاضافه إلي إن السمكه كسمكه نادره او مميزه أتحرقت قيمتها .. من الاخر بقيت سمكه ارخص من سعر الاوسكار العاديه .. وده يعتبر اكبر انهيار لسعر سمكه احضره من ساعه مابقيت هاوي من يجي ٢٠ سنه !
في حلقه إضافيه أو عامل إضافي مقولناهوش .. وهو التفريخ المصري .. بيتعامل انه لا يرتقي لمستوي الرساله بدون سبب مقنع .. وأعتقد أتهامه بالاتهام ده بسبب ان وجوده هو اه مشكله في دماغ المستوردين والتجار ... وخصوصا ان المفرخ ممكن حرفيا يحرق سعر السمكه في اي وقت ويبقي ضغط علي التاجر الي بيستورد ويخيليه ينزل بسعره غصب عنه !
لكن هل فعلا التفريخ المصري يرتقي لمستوي المستورد فعلا .. الإجابه كانت من ٥ سنين قطعيا لا .. لكن في ٢٠١٧ .. انا شوفت انواع اقوي ومستويات اعلي ... ال Reviews الي بعملها دخلتني مزارع وشوفت بعيني ... وشغلتي دي المصداقيه فيها مهمه جدا ... عشان كده الفيديو او ال Live مهمين في التوثيق جدا !
احد عوامل الحرق المتسارع المنافسه الشديده والغيره الموجوده بين التجار الي وصلت لمواجهات مباشره حرفيا .. ال Facebook سخن الموضوع جدا يبتدي حب استعراض القوه .. ومحاوله اظهار الاخر انه (حرامي ونصاب) بأي شكل .. لكن كل ده يوصلها ل ٢٥ جنيه انتاج مصري و ٥٠ جنيه مستورده من ٤٥٠ جنيه وبدون تفكير مرتين !
الاجابه اه ممكن يحصل في حاله واحده بس .. إذا كان تكلفه السمكه الحقيقيه من الاول من ٣٠ ل ٤٠ جنيه مستورده 🤗
نصائح هنصحهالكوا ياريت تاخدوا بالكوا منها :
- نفسك في سمكه ... اجمع عنها كل المعلومات حتي سعرها التقريبي
- متشتريش سمكه لسه نازله وغاليه قوي واصبر شويه
- اتحرك في الهوايه اكنك بتلعب شطرنج .. الحركه بحساب
- خلي عندك كذا مصدر معلومات عن الاسعار
- اتعلم من اخطائك كويس جدا (لا تلدغ من الجحر مرتين)
- اسمع من الاكثر منك خبره وسنا وافهم كلامهم كويس خصوصا الي فاهمين السوق
واخيرا باب النقاش مفتوح
تعليقات
إرسال تعليق