للمبتدئين :
13 نقطه .. خطواتك البسيطه لبدايه تربيه السمك :
1 - هتخش علي النت وتدور علي السمكه الي نفسك تربيها .. مش العكس .. بكده هتوفر علي نفسك فلوس ومجهود كتير .. وهتبقي عارف
2 - مثلا لو هي هتحتاج حوض 200 لتر يعني حوض يعني حوض (80*50*50) سم
3 - وانت بتعمل الحوض حاول تخليه مش اقل من 10 مللي (مبنصحش بال 6 مللي لأنه مقلق و ال 8 معقول ولكن ال 10 أفضل)
4 - أرضيه الحوض سواء رمل او صخور صغيره او كورتز مش هتفرق ... الي هيفرق البيئه الي جايه منها السمكه ... هل هي امريكا الجنوبيه والامازون (يفضل جرش غامق) لإن معظم السمك الامريكي لونه بيبقي أقوي مع أرضيه غامقه ... أو أفريقي (يفضل رمال) عشان بيحب يحفر كتير وياكل منها برضه
5 - خلي بالك جوده الميه مهمه أهميه السمك ... يعني لازم تحافظ علي نضافتها .. الفلتره مهمه جداً .. والفلتره جزئين .. ميكانيكيه .. عشان تنقيه الشوائب من الميه وديه تندرج تحتها فلاتر ال (Power Head) الي هيا بتبقي ماتور وراكب فيه كوبايات فيها سفنج ... وفلتره بيولوجيه ودي في منها أنواع واشكال وهدفها تكسير المواد الضاره في الحوض من مخلفات وخلافه لأنها بتسمم السمك لما بتتحول ل (أمونيا - نترات) بس لحوض صغير يفضل فلتر سفنج بيركب ليه خرطوم وده أقلهم تأثير ... وفي الفلاتر الخارجيه الكبيره ويفضل تشتري الي بيناسب حوضك عشان هتريح دماغك تماما مستقبليا
6 - الدوره البيلوجيه بإختصار إن عندك سمك بيعمل مخلفات .. المخلفات دي بتتحول لأمونيا ( ماده سامه) ... عشان تنهي الامونيا دي لازم يكون في بيكتريا نافعه في الحوض ... ودي بتطلع عن طريق حاجتين .. الاولانيه منتج موجود فيه بيكتريا نفعه بتضيفها مباشرة زي Secham Stability .. أو بتعمل دوره بيولوجيه كامله ... يعني بتشغل الحوض بفلاتره بكل حاجه من غير سمك لمده شهر ... بس هتضيف في اول يوم في الشهر ده اي مصدر امونيا (سمكه صغيره ميته ... او جمبري ميت .. واحده بس تكفي) وتسيبه شهر وبكده هتكون جاهز تحط السمك
7 - لو هتعمل حوض سمك بس الاضاءه مش هتفرق كتير ... يعني المتاح وهيوفر إضاءه معقوله أعمله .. لكن لو حوض مزروع ... هتحتاج كشاف ليد إحترافي وهتحتاج تقراء أكتر
8 - لازم تعرف درجه الحراره ال بتحبها السمكه .. لو هتربي جولد فيش مش هتحط سخان لا صيف ولا شتاء عشان هو سمك مياه بارده ... لكن لو سمك امازون أو افريكان هتعرف هتحتاج تثبت درجه الحراره لكام ... السخانات متوفره في السوق من 50 وات ل 500 وات ... وعموما حوض متر يكفيه سخان 250 او 200 .. وقيس علي كده الباقي ... أحسن نوع Ehiem الالماني ال Heto وال Tetra وال Sera وفي نوع جديد أسمه Dophin جديد بس بيشكروا فيه ... لو مالاقيتش خالص هات RS بس تابعه عشان في حالات سلق سمك كتير بسببه 😂
9 - ال PH الخاص بالسمكه الي هتربيها لازم تعرفه ... يعني هيا بتحب PH عالي زي الافريقي يبقي هتحط الصخور المخصصه ليهم بتتباع عند معظم محلات السمك (الناس الفاهمه) وممكن تحطلهم صخور بحريه ميته ومتنضفه تماما ... ولو PH معتدل زي الجولد فيش (فانتيل) أو كوي ... يبقي مش هتضيف حاجهه .. ولو PH قليل زي الامازون ... يبقي خشب غاطس وده ممتاز في الحالات دي (ال PH درجه حامضيه وقلويه الميه)
10 - أكل السمك كل ما كان نوع محترم .. كل ما كان هيفرق في صحه السمك وحجمه نموه ... وكل ما هيفرق في قله تلوث الميه ... وعموما لازم تعرف السمكه الي هتربيها بتاكل بمعدل أد ايه ... يعني مره او 2 في اليوم .. والمره يعني تحطلها اكل علي ادها بالظبط بدون مخلفات ... عشان دي بتتحول لسموم بعد كده وهتبهدل الميه
11 - بالنسبه للأمراض ... أشهر مرضين .. النقط البيضاء .. وتأكل الزعانف ... بالنسبه للنقط البيضاء هترفع درجه الحراره ل 30 وتضيف شويه ملح صغيره ... وتستني 3 و 4 ايام .. لو المرض أختفي يبقي تمام .. مااختفاش هتروح تجيب دواء Anti white Spot محترم وتشتغل بيه زي ما ماكتوب عليه .. ومتسيبش المرض ينتشر ويكسل لأنه مميت للسمك فعلا
بالنسبه لتأكل الزعانف ممكن شويه ملح تقضي عليه ... أو دواء Anti Fungs
ولما تشتري دواء أشتريه نوعه محترم ومعروف ....
12 - بالنسبه للزرع ... ممكن تبداء بزرع مصري مش محتاج إضاءه احترافيه وسهل والبيئه الي هتربي فيها مناسبه ليه ... زي الالوديا والكمومبا ... وقبل ماتشتري إقراء ... بلاش الزرع البلاستيك عشان ليه اطراف حاده وممكن يئذي السمك .. والزرع الطبيعي كمان بيسحب مواد ضاره من الحوض
13 - بالنسبه لخلفيه الحوض .... ممكن صوره بتتلزق في الخلفيه .. أو فيميه من بتاع العربيات ... أو لو هتقفل الحوض عند الراجل ... هات قطعه اكريلك اللون الي انت عارزه وقصه علي قد ضهر الحوض بعد اللزق ... واللزقه بسيليكون من جوه هيبقي انضف واشيك كتير
أتمني أكون لميت الموضوع كله ... ولو في أ أسئله انا تحت امركوا
13 نقطه .. خطواتك البسيطه لبدايه تربيه السمك :
1 - هتخش علي النت وتدور علي السمكه الي نفسك تربيها .. مش العكس .. بكده هتوفر علي نفسك فلوس ومجهود كتير .. وهتبقي عارف
2 - مثلا لو هي هتحتاج حوض 200 لتر يعني حوض يعني حوض (80*50*50) سم
3 - وانت بتعمل الحوض حاول تخليه مش اقل من 10 مللي (مبنصحش بال 6 مللي لأنه مقلق و ال 8 معقول ولكن ال 10 أفضل)
4 - أرضيه الحوض سواء رمل او صخور صغيره او كورتز مش هتفرق ... الي هيفرق البيئه الي جايه منها السمكه ... هل هي امريكا الجنوبيه والامازون (يفضل جرش غامق) لإن معظم السمك الامريكي لونه بيبقي أقوي مع أرضيه غامقه ... أو أفريقي (يفضل رمال) عشان بيحب يحفر كتير وياكل منها برضه
5 - خلي بالك جوده الميه مهمه أهميه السمك ... يعني لازم تحافظ علي نضافتها .. الفلتره مهمه جداً .. والفلتره جزئين .. ميكانيكيه .. عشان تنقيه الشوائب من الميه وديه تندرج تحتها فلاتر ال (Power Head) الي هيا بتبقي ماتور وراكب فيه كوبايات فيها سفنج ... وفلتره بيولوجيه ودي في منها أنواع واشكال وهدفها تكسير المواد الضاره في الحوض من مخلفات وخلافه لأنها بتسمم السمك لما بتتحول ل (أمونيا - نترات) بس لحوض صغير يفضل فلتر سفنج بيركب ليه خرطوم وده أقلهم تأثير ... وفي الفلاتر الخارجيه الكبيره ويفضل تشتري الي بيناسب حوضك عشان هتريح دماغك تماما مستقبليا
6 - الدوره البيلوجيه بإختصار إن عندك سمك بيعمل مخلفات .. المخلفات دي بتتحول لأمونيا ( ماده سامه) ... عشان تنهي الامونيا دي لازم يكون في بيكتريا نافعه في الحوض ... ودي بتطلع عن طريق حاجتين .. الاولانيه منتج موجود فيه بيكتريا نفعه بتضيفها مباشرة زي Secham Stability .. أو بتعمل دوره بيولوجيه كامله ... يعني بتشغل الحوض بفلاتره بكل حاجه من غير سمك لمده شهر ... بس هتضيف في اول يوم في الشهر ده اي مصدر امونيا (سمكه صغيره ميته ... او جمبري ميت .. واحده بس تكفي) وتسيبه شهر وبكده هتكون جاهز تحط السمك
7 - لو هتعمل حوض سمك بس الاضاءه مش هتفرق كتير ... يعني المتاح وهيوفر إضاءه معقوله أعمله .. لكن لو حوض مزروع ... هتحتاج كشاف ليد إحترافي وهتحتاج تقراء أكتر
8 - لازم تعرف درجه الحراره ال بتحبها السمكه .. لو هتربي جولد فيش مش هتحط سخان لا صيف ولا شتاء عشان هو سمك مياه بارده ... لكن لو سمك امازون أو افريكان هتعرف هتحتاج تثبت درجه الحراره لكام ... السخانات متوفره في السوق من 50 وات ل 500 وات ... وعموما حوض متر يكفيه سخان 250 او 200 .. وقيس علي كده الباقي ... أحسن نوع Ehiem الالماني ال Heto وال Tetra وال Sera وفي نوع جديد أسمه Dophin جديد بس بيشكروا فيه ... لو مالاقيتش خالص هات RS بس تابعه عشان في حالات سلق سمك كتير بسببه 😂
9 - ال PH الخاص بالسمكه الي هتربيها لازم تعرفه ... يعني هيا بتحب PH عالي زي الافريقي يبقي هتحط الصخور المخصصه ليهم بتتباع عند معظم محلات السمك (الناس الفاهمه) وممكن تحطلهم صخور بحريه ميته ومتنضفه تماما ... ولو PH معتدل زي الجولد فيش (فانتيل) أو كوي ... يبقي مش هتضيف حاجهه .. ولو PH قليل زي الامازون ... يبقي خشب غاطس وده ممتاز في الحالات دي (ال PH درجه حامضيه وقلويه الميه)
10 - أكل السمك كل ما كان نوع محترم .. كل ما كان هيفرق في صحه السمك وحجمه نموه ... وكل ما هيفرق في قله تلوث الميه ... وعموما لازم تعرف السمكه الي هتربيها بتاكل بمعدل أد ايه ... يعني مره او 2 في اليوم .. والمره يعني تحطلها اكل علي ادها بالظبط بدون مخلفات ... عشان دي بتتحول لسموم بعد كده وهتبهدل الميه
11 - بالنسبه للأمراض ... أشهر مرضين .. النقط البيضاء .. وتأكل الزعانف ... بالنسبه للنقط البيضاء هترفع درجه الحراره ل 30 وتضيف شويه ملح صغيره ... وتستني 3 و 4 ايام .. لو المرض أختفي يبقي تمام .. مااختفاش هتروح تجيب دواء Anti white Spot محترم وتشتغل بيه زي ما ماكتوب عليه .. ومتسيبش المرض ينتشر ويكسل لأنه مميت للسمك فعلا
بالنسبه لتأكل الزعانف ممكن شويه ملح تقضي عليه ... أو دواء Anti Fungs
ولما تشتري دواء أشتريه نوعه محترم ومعروف ....
12 - بالنسبه للزرع ... ممكن تبداء بزرع مصري مش محتاج إضاءه احترافيه وسهل والبيئه الي هتربي فيها مناسبه ليه ... زي الالوديا والكمومبا ... وقبل ماتشتري إقراء ... بلاش الزرع البلاستيك عشان ليه اطراف حاده وممكن يئذي السمك .. والزرع الطبيعي كمان بيسحب مواد ضاره من الحوض
13 - بالنسبه لخلفيه الحوض .... ممكن صوره بتتلزق في الخلفيه .. أو فيميه من بتاع العربيات ... أو لو هتقفل الحوض عند الراجل ... هات قطعه اكريلك اللون الي انت عارزه وقصه علي قد ضهر الحوض بعد اللزق ... واللزقه بسيليكون من جوه هيبقي انضف واشيك كتير
أتمني أكون لميت الموضوع كله ... ولو في أ أسئله انا تحت امركوا
تعليقات
إرسال تعليق