التخطي إلى المحتوى الرئيسي

خلطة القلب البقرى لاسماك المياة العذبة الاوسكار وغيرها

ناس كتير الفترة إللى فاتت على الجروب كانت بتسأل عن مكونات خلطة القلب البقرى وطريقة عملها
مش هاقدر اقول انها سهلة او بسيطة
خلطة القلب البقرى فعلا مرهقة ومحتاجه صنعة
النهاردة هاحاول اشرحها بطريقة يارب تكون واضحة لكل عشاق الاوسكار
طبعا المقادير دى استرشادية المقادير دى تقريبا فى النهاية بعد التصنيع تطلع حوالى ٢ كيلو خلطة
نبداء شرح الطريقة والمكونات :
نصف كيلو قلب بقرى
ربع كيلو جمبرى
ربع كيلو سمك فيليه
ربع كيلو سبيط
يتم فرمهم جيدا فى الكبه ( محضر الطعام أو المفرمة )
نص كيلو سبانخ
ربع كيلو جزر
٢ حباية فلفل رومى اخضر
١ حباية فلفل اصفر
١ حباية فلفل احمر
يتم سلق الخضروات جميعا على البخار لمدة ١٠دقائق ثم يتم فرمهم جيدا
ثم يتم وضع مجموعه الخضروات بعد فرمها على مجموعة اللحوم المفرومة سابقا وفرمهم مع بعض مرة تانيه للتأكد من تداخل جميع المكونات مع بعض ويفضل وزن الخليط دا بعد إعادة فرمه علشان المكونات إللى جاية بتتحط بنسبة معينه لكل كيلو
١٠ جرام اسبيرولينا
٢ حباية سينترام مالتى فيتامين
٢ حباية اوميجا٣
٢ حباية E1000 فيتامين
٥ حباية فيتامين ب
٢ سيبيا ( عظام حبار ) مطحونة
١كوب شوفان مطحون
١ ملعقة كركم
٣ كيس خميرة فورية
المكونات الجافة دى لكل كيلو خلطة يتم وضعها على المكونات السابقة وفرم الكل مرة تانية
٥ جرام كاروفيل لكل كيلو خلطة
يتم إذابة الكاروفيل فى ماء دافئ ووضعه على المكونات السابقة وتقلبه جيدا
٤ ملاعق جيلاتين لكل كيلو خلطة
يتم إذابة الجيلاتين فى ماء ساخن ووضعه على الخلطة
يتم فردها فى اكياس على شكل طبقة رقيقة جدا لسهولة تكسيرها فيما بعد ثم توضع فى الفريزر للتجميد
يارب اكون قدرت اشرحها بطريقة واضحة وسهلة
واخيرا احب أأكد تانية هى فعلا محتاجه مهارة وحرفة فى الصنع ..تحياتى لكل عشاق الاوسكار
No automatic alt text available.

Image may contain: food and indoor

Image may contain: food

التسميات:

تعليقات

  1. Unknown1 يناير 2018 في 12:05 ص

    ماشاء الله دا الموضوع مسروق بحذافيره ...لا برافو
    دا حتى صورة الكوتشى بتاعى سارقها كمان ....انا معانديش مشكلة انك تنقل الموضوع للافادة بس تقول انه منقول من جروب رابطة عشاق الاوسكار وانه مكتوب بواسطة وائل عادل ...انما نسرق مجهود الناس وننسبه لنفسنا كدا ؟؟؟؟

    ردحذف

إرسال تعليق

المشاركات الشائعة من هذه المدونة

انواع سمكه Polypterus البولي باتروس

انواع ال Polypterus نسبه الي موطنها الاصلي جنوب نهر النيل :  Polypterus endlicheri endlicheri (المشجره) Polypterus bichir bichir (غير متوفره في مصر ... لونها اخضر غامق وبها خطوط بالطول) Polypterus senegalus senegalus (لا يوجد بها نقوش وينحدر منها الالبينو بولي بتروس المنتشر) يوجد نوع وحيد خارج القائمه وهو polypterus ornatipinnis أو الاورنات أو المنقط ... موطنه نهر الكونجو .
إرسال تعليق
قراءة المزيد

معلومات عن سمكه البفر Puffer وتوافقها مع الاسماك

معلومه علي الماشي من ال Green Spotter Puffer : سمكه جميله وبتقعد في مياه متوسطه الملوحه (براكش) ركز في الكلام بقي الي جاي ده : The Green Spotted Puffer (GSP) is a highly aggressive fish that may attack and kill any other fish or critter in the tank. Many puffer keepers feel they should not be kept with any other fish species, or even other puffers. It is usually wise to keep a Green Spotted Puffer alone in a single-specimen tank. They do not belong in a community aquarium, even as juveniles, and even if the pet store said they are freshwater fish. They are not, and even keeping them with other aggressive tropical fish is asking for disaster إختصار الكلام الي فوق إن السمكه شرسه جداً جداً ... ومبتقعدش مع سمك تاني نهائي لأنها مفترسه ومؤذيه وممكن تعمل كوارث في الحوض ... ومتقعدش مع سمك شرس حتي ! وللأسف صديق أشتراها أمبراح وموتتله Arowana داخله في 30 سم والبافر الي جابها كانت صغيره ! رساله إلي أخواتنا التجار : ياريت لما تقرر تبيع السمكه دي تحديدا تفهم الي هياخدها مخاطرها لأنها خ...
إرسال تعليق
قراءة المزيد